Written by बीसीसीआयच्या १९ वर्षांखालील महिला एकदिवसीय स्पर्धा: पंजाब वरील विजयात ईश्वरी सावकारच्या ७६ व शाल्मली क्षत्रियचे ३ बळी
नाशिक- जिल्हा क्रिकेट असोसिएशनच्या ईश्वरी सावकारच्या नेतृत्वाखाली बीसीसीआयच्या राष्ट्रीय पातळीवरील १९ वर्षांखालील महिला एकदिवसीय स्पर्धेत महाराष्ट्राने उपान्त्यपूर्व फेरी गाठली आहे. या स्पर्धेत डेहराडून येथे खेळलेल्या साखळी स्पर्धेत नुकतेच घणाघाती दिडशतक झळकवत अफलातून फलंदाजीचे प्रदर्शन घडवले होते . त्यापाठोपाठ पुदूचेरी येथे उपउपान्त्यपूर्व फेरीत पंजाब वरील विजयात ईश्वरीने ७६ धावा करत महाराष्ट्र संघाला ६ गडी राखून विजयी करण्यात मोठी कामगिरी केली.
या सामन्यात नाशिकच्या शाल्मली क्षत्रियने देखील आपल्या जलदगती गोलंदाजीची चुणूक दाखवत पंजाबचे ३ गडी बाद केले. आणि महत्वाचे म्हणजे असून उपान्त्यपूर्व फेरीत प्रवेश केला. उपान्त्यपूर्व फेरीत दिल्लीशी १९ डिसेंबरला पुदूचेरी येथे लढत नियोजित आहे.आधी डेहराडून येथे खेळलेल्या साखळी स्पर्धेत या स्पर्धेत १९ वर्षांखालील महाराष्ट्र संघाच्या कर्णधारपदी निवड सार्थ ठरवत ईश्वरी सावकारने विजयी सुरुवात केली , महाराष्ट्र संघाने अरुणाचल व पॉंडेचरी पाठोपाठ गोवा व विदर्भ संघावरही विजय मिळवला. फक्त मध्य प्रदेश विरुद्ध हा संघ पराभूत झाला. ईश्वरी सावकारच्या नेतृत्वात पांच सामन्यात चार विजय मिळवले व संघाला उपउपांत्यपूर्व फेरीत प्रवेश मिळवून दिला.
नाशिकच्या वर्तुळात उत्साहाचे वातावरण
ईश्वरी सावकारच्या या दिमाखदार कामगिरीने नाशिक क्रिकेट वर्तुळात अतिशय उत्साहाचे व आनंदाचे वातावरण तयार झाले आहे. ईश्वरीवर सर्वत्र अभिनंदनाचा वर्षाव होत आहे. नाशिक जिल्हा क्रिकेट संघटनेचे चेअरमन विनोद शहा, सचिव समीर रकटे यांनी ईश्वरी सावकारला शाबासकी देत खास अभिनंदन करून उपान्त्यपूर्व सामन्यासाठी शुभेच्छा दिल्या आहेत.