जिल्हा क्रिकेट संघटनेतर्फे १५ वर्षाखालील मुलींसाठी संघ निवड चाचणी

मुलींना राज्य संघात प्रतिनिधीत्व करण्याची सुवर्णसंधी

नासिक- महाराष्ट्र क्रिकेट असोसिएशनच्या १५ वर्षांखालील मुलींसाठी राज्यस्तरीय निमंत्रितांच्या स्पर्धा होणार आहे. या स्पर्धेसाठी नाशिक जिल्हा क्रिकेट संघटनेतर्फे १५ वर्षांखालील मुलींची जिल्हा क्रिकेट संघ निवड चाचणी हुतात्मा अनंत कान्हेरे मैदान, गोल्फ क्लब येथे घेण्यात येणार आहे.

या निवड चाचणीत १ सप्टेंबर २००७ ते ३१ ऑगस्ट २००९ ( ०१/०९/२००७ ते ३१/०८/२००९ ) या दरम्यान जन्मलेल्या खेळाडूंचा संघ तयार करण्यात येणार आहे. इच्छुक मुलींनी, क्रिकेट खेळाडूंनी नाशिक जिल्हा क्रिकेट संघटनेच्या हुतात्मा अनंत कान्हेरे मैदान, गोल्फ क्लब येथील कार्यालयात कामकाजाच्या वेळेत मंगळवार(ता. १ नोव्हेंबर) पर्यंत नाव नोंदणी करणे आवश्यक आहे, याची सर्वांनी नोंद घ्यावी. मुली व महिला खेळाडूंना प्रोत्साहन देण्याच्या नाशिक जिल्हा क्रिकेट संघटनेच्या धोरणानुसार नोंदणी शुल्क ठेवण्यात आलेले नाही. निवड झालेल्या खेळाडूंना महाराष्ट्र क्रिकेट असोसिएशनच्या राज्यस्तरीय आमंत्रितांच्या स्पर्धेत नाशिक जिल्ह्याचे प्रतिनिधित्व करण्याची संधी मिळेल. जास्तीत जास्त मुली,महिलांनी भाग घ्यावा,असे आवाहन जिल्हा किकेट संघटनेतर्फे करण्यात आले आहे.