नाशिक जिल्हा क्रिकेट असोसिएशनच्या ईश्वरी सावकारने महाराष्ट्र महिला क्रिकेट संघातर्फे खेळताना भारतीय क्रिकेट नियामक मंडळ, बीसीसीआय च्या तेवीस वर्षांखालील स्पर्धेत, मणीपुर विरुद्ध नाबाद ४६ व हिमाचल प्रदेश विरुद्ध नाबाद ५९, तामिळनाडू विरुद्ध १९ पाठोपाठ सिक्कीमवरील एकतर्फी विजयातही फलंदाजीची चमक दाखविली.
त्रिवेंद्रम येथे सिक्कीम विरुद्ध विजयासाठी ५० धावांचा पाठलाग करताना सलामी फलंदाज ईश्वरी सावकारने २१ चेंडूत ५ चौकारांसह नाबाद २३ धावा फटकावत महाराष्ट्र संघाला ७ व्या षटकात ९ गडी राखून विजयी केले.
त्याआधीहि तामिळनाडू विरुद्धच्या विजयासाठी ८४ धावांचा पाठलाग करताना नाशिकच्या ईश्वरी सावकार १९ व साक्षी कानडीने १७ धावा फटकावत , फलंदाजीची चमक दाखवत एकतर्फी विजय मिळवला.
भारतीय क्रिकेट नियामक मंडळ, बीसीसीआय तर्फे सदर महिला टी-ट्वेंटी सामन्यांच्या स्पर्धेचे साखळी सामने १० ते २१ डिसेंबर २०२३ दरम्यान त्रिवेंद्रम येथे खेळविले जात आहेत . महाराष्ट्राचे बाकीचे सामने पुढील प्रमाणे होणार आहेत : १७ डिसेंबर – झारखंड, १९ डिसेंबर – विदर्भ , २१ डिसेंबर – नागालँड .